ზუგდიდიმა პირველად უმასპინძლა საწყლოსნო სახეობის, ქალ წყალბურთელთა გუნდს. ზუგდიდის ახალ სპორტკომპლექსს, სპორტის სამინისტროს, შპს. ,,სპორტმშენსერვისის" თანადგომით, 4-11 იანვარს შეკრებაზე იმყოფებოდა თბილისის ,,ივერიის" ქალ წყალბურთელთა გუნდი, რომელიც  საქართველოს ნაკრების საბაზო გუნდს წარმოადგენს.  

როგორც STV.GE-ს ზუგდიდის სპორტკომპლექსში განუცხადეს, შეკრებას მრავალფუნქციურმა სპორტკომპლექსმა წარმატებით უმასპინძლა.  პროცესში სამინისტროსთან ერთად ჩართული იყო ადგილობრივი ხელისუფლება. დაგეგმილია სამუშაოები რეგიონში წყალბურთის მიმართულების განსავითარებლად. 

სპორტკომპლექსში ასევე ფუნქციონირებს, ფიტნესის, ჭიდაობის, კრივის დარბაზი, კარატე და იოგა, ასევე სპორტული მასაჟის კაბინეტი.  

ზუგდიდის სპორტკომპლექსი 2025 წლის შემოდგომაზე გაიხსნა. სპორტული კომპლექსის მშენებლობას 27 მილიონ ლარამდე მოხმარდა.

ზუგდიდის ახალ სპორტულსში დიდი (33×25 მ) და პატარა (16×8 მ) საცურაო აუზები, ტრენაჟორების და ძალოსნობის დარბაზებია განთავსებული. თითოეულ დარბაზსა და აუზს აქვს საკუთარი გასახდელები და საშხაპეები როგორც სპორტსმენებისთვის, ისე მწვრთნელებისა და მსაჯებისთვის.

პროექტი სრულად ადაპტირებულია შეზღუდული შესაძლებლობების მქონე პირებისთვის.