სახელმწიფო რწმუნებული სოფლის მხარდაჭერის პროგრამის ფარგლებში საჯიჯაოში მოსახლეობას შეხვდა
სამეგრელო-ზემო სვანეთის რეგიონში „სოფლის მხარდაჭერის პროგრამის" ფარგლებში მოსახლეობასთან შეხვედრები დაიწყო. რეგიონის სახელმწიფო რწმუნებული დავით ვერავა, ხობის მერთან და საკრებულოს თავმჯდომარესთან ერთად შეხვედრას საჯიჯაოს ადმინისტრაციულ ერთეულში დაესწრო.
2026 წელს, ხობის მუნიციპალიტეტში, „სოფლის მხარდაჭერის პროგრამის“ ფარგლებში, ჯამში გამოყოფილია 784 000 ლარი, რაც მოქალაქეების მიერ ხმათა უმრავლესობით შერჩეული პროექტების განხორციელებას მოხმარდება
თითოეულმა სოფელმა ინფრასტრუქტურული პროექტის განსახორციელებლად თანხა მოსახლეობის რაოდენობის გათვალისწინებით მიიღო. ადგილობრივები ხმათა უმრავლესობით თავად გადაწყვეტენ, რას მოხმარდება დასახლებისთვის გამოყოფილი თანხა.
„სოფლის მხარდაჭერის პროგრამის" ფარგლებში, სამეგრელო-ზემო სვანეთის რეგიონის მასშტაბით, შეხვედრები ყველა დასახლებულ პუნტში გაიმართება.
