ზუგდიდის მუნიციპალიტეტის ადმინისტრაციულ ერთეულებში, ,,სოფლის მხარდაჭერის პროგრამის“ ფარგლებში დასაფინანსებელი პროექტების შერჩევის მიზნით, დასახლების საერთო კრებები და კონსულტაციები დაიწყო.

დღეს შეხვედრები კორცხელის, ნაცატუს, ყულიშკარის, ნაწულუკუს, ზედაეწერის, ჩხორიას, ბაშის, ჭკადუაშის, ტყაიას, ალერტკარის, ჭაქვინჯისა და ბაღმარანის ადმინისტრაციულ ერთეულებში გაიმართა.

მოსახლეობასთან გამართულ შეხვედრებს ზუგდიდის მუნიციპალიტეტის მერი დავით კოდუა და მერის მოადგილეები შესაბამისი სამსახურის წარმომადგენლებთან ერთად ესწრებოდნენ.

თითოეული სოფელი ინფრასტრუქტურული პროექტის განსახორციელებლად თანხას მოსახლეობის რაოდენობის გათვალისწინებით მიიღებს.

მიმდინარე წელს, ზუგდიდის მუნიციპალიტეტს ,,სოფლის მხარდაჭერის პროგრამის“ ფარგლებში, 950 000 ლარამდეა გამოყოფილი.