სენაკში თანამედროვე სტანდარტების შესაბამისი ტექნიკური ცენტრი და ხელოვნურსაფარიანი სტადიონის აშენება იგეგმება.

პროექტის ფარგლებში, თანამედროვე სტანდარტების შესაბამისი ფეხბურთის მოედნისთვის გათვალისწინებულია 300 მაყურებელზე გათვლილი ტრიბუნის, გასახდელების, სველი წერტილებისა და სამეურნეო სათავსოების მოწყობა.

ინფრასტრუქტურა სრულად იქნება ადაპტირებული განსაკუთრებული საჭიროებების მქონე პირებისთვის.

ახალი სპორტული ინფრასტრუქტურა ხელს შეუწყობს რეგიონში სპორტის განვითარებას და ახალგაზრდებში ჯანსაღი ცხოვრების წესის პოპულარიზაციას.