ინფრასტრუქტურის სამინისტროს მუნიციპალური განვითარების ფონდი ხობში თანამედროვე სტანდარტების შესაბამისი მრავალფუნქციური კომპლექსის მშენებლობას გეგმავს.

სპორტული კომპლექსში უნდა მოეწყოს დიდი და საბავშვო დახურული აუზები, გასახდელები, საშხაპეები, სპორტის სხვადასხვა სახეობის სავარჯიშო დარბაზები, მწვრთნელები, სამედიცინო, ფიზიოთერაპიის ოთახები და საკონფერენციო დარბაზი.

შენობაში გათვალისწინებული იქნება სწრაფი კვების პუნქტისა და სპორტული მაღაზიის განთავსება.

კომპლექსის ტერიტორიაზე უნდა მოეწყოს ავტოსადგომი, საფეხმავლო ბილიკები, რეკრეაციული ზონა, უსაფრთხოებისა და წყალმომარაგების სისტემები.

სპორტკომპლექსის ინფრასტრუქტურა სრულად იქნება ადაპტირებული განსაკუთრებული საჭიროების მქონე პირებისთვის.