საბჭოთა ოკუპაციის დღესთან დაკავშირებით, სახელმწიფო დროშები დაშვებულია ქვეყნის მასშტაბით ადმინისტრაციულ შენობებზე და საზღვარგარეთ საქართველოს დიპლომატიურ წარმომადგენლობებში.

დროშები დაშვებულია, სამეგრელო-ზემო სვანეთის სახელმწიფო რწმუნებულის ადმინისტრაციასა და რეგიონში შემავალი მუნიციპალიტეტების ადმინისტრაციულ შენობებზე.

საქართველოს დემოკრატიული რესპუბლიკის ოკუპაცია საბჭოთა ძალებმა 1921 წლის 25 თებერვალს შეძლეს. ეს დღე საქართველოს პარლამენტის დადგენილებით ოკუპაციის დღედ არის გამოცხადებული.