სენაკის მუნიციპალიტეტის მერმა ვახტანგ გადელიამ და საკრებულოს თავმჯდომარე ჯუმბერ ტყებუჩავამ, მოადგილეებთან და ადგილობრივი თვითმმართველობის წარმომადგენლებთან ერთად, საქართველოს ეროვნული გმირის, გურამ გაბესკირიას ბიუსტი ყვავილებით შეამკეს.

ხელისუფლების წარმომადგენლებმა პატივი მიაგეს გურამ გაბესკირიას ხსოვნას, რომელსაც 2 მარტს 79 წელი შეუსრულდებოდა.

2017 წლის 27 სექტემბერს, საქართველოს დაცვისა და ერთიანობისათვის ბრძოლაში გამოჩენილი განსაკუთრებული მამაცობის და თავდადებისათვის, გურამ გაბესკირიას საქართველოს ეროვნული გმირის წოდება მიენიჭა.