მარტვილის მუნიციპალიტეტის მერიის საკონფერენციო დარბაზში, აზიური ფაროსანას წინააღმდეგ დაგეგმილ ღონისძიებებთან დაკავშირებით შეხვედრა გაიმართა. ინფორაციას მარტვილის მერია ავრცელებს.

სურსათის ეროვნული სააგენტოს აზიურ ფაროსანასთან ბრძოლის მართვის ცენტრის წარმომადგენელმა ადმინისტრაციულ ერთეულებში მერის წარმომადგენლებთან მავნებლის საწინააღმდეგოდ მიმდინარე და დაგეგმილი ღონისძიებები განიხილა და მონიტორინგის შედეგები გააცნო.

შეხვედრას მარტვილის მუნიციპალიტეტის მერი გიორგი ნაჭყებია და მერიის წარმომადგენლები ესწრებოდნენ.

ტემპერატურის მატებასთან ერთად, სურსათის ეროვნული სააგენტოს აზიურ ფაროსანასთან ბრძოლის მართვის ცენტრი ცივი შესხურებით წამლობებს დაიწყებს, მოგვიანებით კი ტერიტორიები თერმული ნისლით დამუშავდება.