ფოთში საგზაო ინფრასტრუქტურის განახლების სამუშაოები გრძელდება.

კუნძულის უბანში მიმდინარეობს სოხუმის, კლდიაშვილის, ნანავას, მემედ აბაშიძის და მიქაბერიძის ქუჩების კეთილმოწყობა. იგება ასფალტობეტონის საფარის ორი ფენა და ეწყობა ახალი სანიაღვრე სისტემა.

ამ ეტაპზე სამუშაოები მიმდინარეობს 17 ქუჩაზე, საერთო ჯამში 12 350 გრძივ მეტრზე.

ფოთის მუნიციპალიტეტში ეტაპობრივად ყველა უბანში შეიქმნება უსაფრთხო, თანამედროვე და კომფორტული საგზაო ინფრასტრუქტურა, რაც მნიშვნელოვნად გააუმჯობესებს ქალაქის ყოველდღიურ ცხოვრებას.