აფხაზეთის ე.წ. პარლამენტთან სროლას დეპუტატი ვახტანგ გოლანძია ემსხვერპლა
19.12.2024 / 19 დეკემბერი 2024
დროებით ოკუპირებული აფხაზეთის ე.წ. პარლამენტთან სროლა მოხდა. როგორც Apnsypress-ი წერს, ე.წ. დეპუტატი ვახტანგ გოლანძია სროლის შედეგად გარდაიცვალა. მედიის ცნობით, დაშავებულია ე.წ. დეპუტატი კან კვარჭიაც.
სროლაში ეჭვმიტანილი ე.წ. დეპუტატი ადგურ ხარაზიაა. იტყობინება Sputnik-ი ე.წ. შინაგან საქმეთა სამინისტროზე დაყრდნობით. ხარაზია ადგილიდან მიიმალა.
“შეხვედრის დროს ადგურ ხარაზია და კან კვარჭია ერთმანეთს დაუპირისპირდნენ, რის შედეგადაც ადგურმა იარაღი ამოიღო და კანის მისამართით სროლა დაიწყო. გარდაცვლილი ვახტანგ გოლანძია მათ გაშველებას ცდილობდა”, – წერს ტელეგრამ არხი Amra life.
