პაატა ზაქარეიშვილი ბიჭვინთის აგარაკების ნოტაზე: რუსეთი ძალას ატანს აფხაზეთის დე-ფაქტო ხელისუფლებას, ხელებს უგრეხს
ოკუპირებული აფხაზეთის ე.წ. ხელისუფლების გადაწყვეტილება უარი თქვას საკონსტიტუციო კანონზე, რომელიც ხელს უშლის ობიექტების მესამე პირებისთვის გადაცემას უკვე გახდა სოხუმში მღელვარების საგანი. ბიჭვინთის აგარაკების რუსეთისთვის გადაცემის თემამ აფხაზურ საზოგადოებაში პროტესტი გამოიწვია, მაშინ ბჟანიას ე.წ. მთავრობამ საპროტესტო მუხტი სწორედ საკონსტიტუციო კანონში შეტანილი ცვლილებით ჩაახშო.
დღეს კი აფხაზეთის დე-ფაქტო მთავრობამ რუსეთის ფედერაციის საპროტესტო ნოტა გაასაჯაროვა, რომელიც საკონსტიტუციო კანონში შეტანილ ცვლილებას უარყოფითად აფასებს.
,,ნოტა უფრო ადრე დაახლოებით ერთი თვის წინ მიიღეს, მალავდნენ, თუმცა დღეს გასაჯაროვდა“ – ამის შესახებ stv-ს კონფლიქტოლოგმა პაატა ზაქარეიშვილმა განუცხადა.
„საუბარია 27 დეკემბერში შეტანილი ცვლილების ამოღებაზე, ეს არის ფარისევლური ქმედება, ისედაც ყველაფერი უკანონოა მანდ, მაგრამ რეალურად მოიტყუეს ხალხი შეიტანეს „კანონში“ ცვლილება და ახლა ამოღება უნდათ. ეს ძალიან ჩახლართული ვერაგობაა“ – აცხადებს ზაქარეიშვილი.
კონფლიქტოლოგი, რომელიც შერიგებისა და სამოქალაქო თანასწორობის საკითხებში საქართველოს სახელმწიფო მინისტრი იყო აცხადებს, რომ „ამ ნოტაში აშკარაა, რომ რუსეთი ძალას ატანს აფხაზეთის დე-ფაქტო ხელისუფლებას, ხელებს უგრეხს შეიძლება ასე ითქვას და აიძულებს ნოტის შესაბამისად იმოქმედოს. სწრორედ ესაა იმის მიზეზი, რომ ამ ნოტის გამოგზავნიდან ერთი თვის თავზე აფხაზეთის დე-ფაქტო ხელისუფლებას უწევს რუსეთის პირობების, ულტიმატურმის დაკმაყოფილება“ – აცხადებს პაატა ზაქარეიშვილი STV-სთან საუბარში.
ამავე თემაზე:
