ოკუპირებული სამხრეთ ოსეთში სოხუმის ცენტრალური საგამოფენო დარბაზის დასახმარებლად ფონდი შექმენს
ოკუპირებული სამხრეთ ოსეთის ე.წ. კულტურის სამინისტრომ და მისმა დაქვემდებარებულმა ყველა „დაწესებულებამ“ სოხუმში განადგურებული ნახატების გამო სპეციალური ფონდი შეიქმნა. შეგახსენებთ, რომ 21 იანვრის ღამეს სოხუმში, ცენტრალური საგამოფენო დარბაზის შენობაში, სადაც სამხატვრო გალერეის ნახატები ინახებოდა, ხანძარი გაჩნდა, რის შედეგადაც ნახატების უმეტესი ნაწილი განადგურდა. ოთხი ათასი ნამუშევრიდან გადარჩა მხოლოდ 150 ნამუშევარი.
„სამხრეთ ოსეთის“ კულტურის მოღვაწეები აპირებენ თავიანთი წვლილი შეიტანონ „აფხაზეთისა“ და მისი ხალხისთვის რთულ პერიოდში დასახმარებლად. ყველა შემოსული თანხა გადაირიცხება სპეციალურ საბანკო ანგარიშზე, რომელიც გახსნილია ახალი ექსპონატების შეძენაში დასახმარებლად. ეს არ ეხება მხოლოდ ფინანსურ დახმარებას. კოსტა ხეთაგუროვის სახელობის სახელმწიფო დრამატული თეატრის სამხატვრო ხელმძღვანელმა თამერლან ძუდცოვმა გამოთქვა მზადყოფნა „აფხაზეთის კულტურის სამინისტროს“ გადასცეს აფხაზი მხატვრების ორი ნახატი, რომლებიც მას სხვადასხვა დროს კოლეგებმა აჩუქეს.“ – წერს აფხაზური მედია.
ოკუპირებული სამხრეთ ოსეთის, ე.წ. კულტურის სამინისტრო მიმართავს ყველა მოქალაქეს, რომლებიც ასევე არიან აფხაზი ოსტატების ნამუშევრების მფლობელები, უსასყიდლოდ გადასცენ ნამუშევრები სოხუმის გალერეას.
