ფოთის საკრებულოს თავმჯდომარე: „მინდა გულწრფელი მადლობა გადავუხადო პარტია „ქართულ ოცნებას“, მთელ პოლიტიკურ გუნდს და საკრებულოს წევრებს გამოჩენილი ნდობისა და მხარდაჭერისთვის“
დღეს ქალაქ ფოთის მუნიციპალიტეტის მერვე მოწვევის საკრებულოს პირველი სხდომა გაიმართა.
სხდომაზე, ფოთის საკრებულოს 25-ვე წევრმა ერთხმად მხარი დაუჭირა ალექსანდრე ტყებუჩავას კანდიდატურას.
„მინდა გულწრფელი მადლობა გადავუხადო პარტიას „ქართული ოცნება – დემოკრატიული საქართველო“, მთელ პოლიტიკურ გუნდს და საკრებულოს წევრებს გამოჩენილი ნდობისა და მხარდაჭერისთვის. ეს გადაწყვეტილება ჩემთვის დიდ პატივად და ერთდროულად უდიდეს პასუხისმგებლობად მიმაჩნია.
მჯერა, რომ ერთიანობითა და თანამშრომლობით ფოთის თითოეული მოქალაქე იგრძნობს ადგილობრივი თვითმმართველობის მხარდაჭერას ყველა დონეზე.
განსაკუთრებით აღსანიშნავია საქართველოს პარლამენტში ფოთის დელეგატის, ბატონი გიორგი ხახუბიას აქტიური როლი და ჩართულობა – ცენტრალური და ადგილობრივი ხელისუფლების კოორდინირებული მუშაობა ფოთის წარმატებისთვის გადამწყვეტი მნიშვნელობისაა.
საკრებულოს სხდომას ესწრებოდა ჩვენი ქალაქის ღირსეული მერი ბექა ვაჭარაძე -რომლის გამოცდილება, ხედვა და დაუღალავი შრომა ფოთის განვითარებისთვის უდიდესად ფასობს.
მისი აქტიური ჩართულობა და გულწრფელი სურვილი ქალაქის წინსვლის მიმართ, ყველას გვაძლევს თავდაჯერებას, რომ ფოთს ნამდვილად შეუძლია ახალი შესაძლებლობების გაჩენა.
მინდა გულწრფელად გადავუხადო მადლობა მხარდაჭერისა და თანამშრომლობისთვის — მასთან ერთად მუშაობა არა მხოლოდ შედეგიანია, არამედ საამაყოც.
დარწმუნებული ვარ, საკრებულოს, მერიის და ჩვენი დელეგატის ერთიანი, პროფესიული და შედეგზე ორიენტირებული თანამშრომლობით, ფოთში აუცილებლად მივაღწევთ განვითარების საუკეთესო შედეგებს.
აქვე ვულოცავ ჩემს მოადგილეებს და საკრებულოს წევრებს არჩევას შესაბამის თანამდებობებზე და ვუსურვებ წარმატებას საპასუხისმგებლო საქმიანობაში.
მადლობა ყველას, ვინც ამ გზაზე ჩემთან ერთად დგას – პოლიტიკურ გუნდს, კოლეგებს და მოქალაქეებს. თქვენი მხარდაჭერა ჩემთვის უდიდესი მოტივაციაა, რომ ყოველდღიურად ვემსახურო ჩვენს ქალაქს ღირსეულად და კეთილსინდისიერად“-განაცხადა ფოთის საკრებულოს თავმჯდომარემ ალექსანდრე ტყებუჩავამ.
მსგავსი სიახლეები
ფოთის მერი: „მინდა მადლობა გადავუხადო თითოეულ სპორტსმენს იმ სიამაყისა და სიხარულისთვის, რასაც თავიანთი გამარჯვებებით გვჩუქნიან“
პრემიერი: მინდა, მადლობა გადავუხადო სამართალდამცავებს სახელმწიფო ინტერესებისა და საზოგადოებრივი წესრიგის დაცვისთვის და ვთხოვო, მომიტინგეების მხრიდან ძალადობასა და შეურაცხყოფას მაქსიმალური მოთმინებით უპასუხონ
