გიგა გაბელაია: მჯერა, რომ ერთიანობით, შრომითა და ერთგული მიდგომით შევძლებთ კიდევ უფრო მეტი სიკეთის გაკეთებას
აბაშის მერი გიგა გაბელაია მეორე ვადით უფლებამოსილების შესრულებას შეუდგა. გაბელია მომავალი ოთხი წლის განმავლობაში მუნიციპალიტეტის მთავარ პრიორიტეტებზე საუბრობს.
,,აბაშის მუნიციპალიტეტის მერის უფლებამოსილების მეორე ვადით შესრულების საპასუხისმგებლო მისიას დღეიდან ოფიციალურად შევუდექი.
გულწრფელი მადლობა თითოეულ თქვენგანს ნდობისა და მხარდაჭერისთვის – ეს არის უდიდესი პატივი და ამავე დროს უდიდესი პასუხისმგებლობა.
ჩემთვის განსაკუთრებული მნიშვნელობა აქვს შესაძლებლობას, მთელი გულით, ენერგიითა და პასუხისმგებლობით კვლავ ვემსახურო ჩემს მუნიციპალიტეტს, თითოეულ აბაშელს.
ჩვენ ერთად შევძელით, რომ აბაშა დღეს უფრო თანამედროვე ქალაქია – განახლებული ინფრასტრუქტურით, მრავალფეროვანი სოციალური და ჯანდაცვის პროგრამებით, აქტიური ეკონომიკური ცხოვრებით, ახალი სპორტული და რეკრეაციული სივრცეებით.
ეს მხოლოდ დასაწყისია, მჯერა, რომ ერთიანობით, შრომითა და ერთგული მიდგომით შევძლებთ კიდევ უფრო მეტი სიკეთის გაკეთებას – განვავითაროთ თანამედროვე ინფრასტრუქტურა, გავაძლიეროთ განათლება, კულტურა და სპორტი, მხარი დავუჭიროთ ჩვენს ახალგაზრდობასა და თითოეულ მოქალაქეს.
დარწმუნებული ვარ, ჩვენი საერთო შრომისა და ერთიანობის შედეგად აბაშა გახდება კიდევ უფრო წარმატებული და განვითარებული” – აცხადებს აბაშის მერი.
მსგავსი სიახლეები
ირაკლი ჩიქოვანი – ჩვენ შევძლებთ კიდევ უფრო მეტი სიკეთე მოვუტანოთ ადგილობრივებს და უფრო კომფორტული გავხადოთ ჩვენი მუნიციპალიტეტი
ალექსანდრე წულაძე: განათლება ქვეყნის მომავალს ქმნის და მე მჯერა, რომ ჩვენი თავდადებით, შრომით, პასუხისმგებლობითა და სწორი სვლით შევძლებთ უზრუნველვყოთ საქართველოს უკეთესი მომავალი
