აფხაზეთის მთავრობის თავმჯდომარე ზუგდიდში მდებარე დევნილთა სამედიცინო ცენტრში იმყოფებოდა
აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე ზუგდიდში, სამეგრელო-ზემო სვანეთი სახელმწიფო რწმუნებულ დავით ვერავასთან და პარლამენტის წევრებთან ერთად, აფხაზეთიდან იძულებით გადაადგილებულ პირთა პოლიკლინიკაში იმყოფებოდა, სადაც სამედიცინო დაწესებულებაში არსებულ ვითარებას გაეცნო და სამედიცინო პერსონალს შეხვდა.
ხელისუფლების წარმომადგენლებმა კლინიკის ინფრასტრუქტურა დაათვალიერეს და დევნილი ბენეფიციარებისთვის ხელმისაწვდომ სერვისებს გაეცნენ. გიორგი ჯინჭარაძემ სამედიცინო სფეროს წარმომადგენლებს აფხაზეთის ავტონომიური რესპუბლიკის ჯანმრთელობისა და სოციალური დაცვის ახალი მინისტრი გიორგი ჟღენტი წარუდგინა, რომელმაც ჯანდაცვის მიმართულებით არსებულ ხედვებზე ისაუბრა.
აფხაზეთის ავტონომიური რესპუბლიკის მთავრობის თავმჯდომარესთან ერთად კლინიკაში ხელმისაწვდომ სერვისებს გაეცნენ პარლამენტის წევრები დავით კოდუა, გრეტა წიწავა და ზუგდიდის მერი მამუკა წოწერია.
