ფოთში საერთაშორისო პლენერი „პალიტრა ფოთი 2025“ გაიხსნა
18.06.2025 / 18 ივნისი 2025
ფოთში, მუნიციპალიტეტის მერიის მხარდაჭერით, საერთაშორისო პლენერი „პალიტრა ფოთი 2025“ გაიხსნა.
პლენერის ფარგლებში ქართველი და უცხოელი მხატვრები ერთი კვირის განმავლობაში 20-მდე ფერწერულ ნამუშევარს შექმნიან.
წელს, ღონისძიებაში, ქართველ მხატვრებთან ერთად მონაწილეობენ მხატვრები ლატვიიდან, ლიეტუვიდან, უკრაინიდან, მოლდოვადან, ირლანდიიდან, აზერბაიჯანიდან და ბულგარეთიდან.
„პალიტრა ფოთი“ ტრადიციული პლენერია და მისი მიზანი სახვითი ხელოვნების განვითარების ხელშეწყობაა.
პლენერი ქართველ ხელოვანებს აძლევს შესაძლებლობას, იმუშაონ უცხოელ კოლეგებთან ერთად, გაიზიარონ შემოქმედებითი სიახლეები და გაეცნონ თანამედროვე მხატვრობის უახლეს ტენდენციებს.
