მამუკა წოწერია: ზუგდიდში საზოგადოებრივი ტრანსპორტის მოძრაობა აღდგენილია
ზუგდიდის მუნიციპალიტეტში, თოვლის სახით მოსული უხვი ნალექისგან დილიდან ქალაქისა და სოფლის გზები ინტენსიურად იწმინდება.
პროცესს ადგილზე ზუგდიდის მერი მამუკა წოწერია ეცნობა.
გაწმენდით სამუშაოებში მუნიციპალური სამსახურებისა და საავტომობილო გზების დეპარტამენტის კუთვნილი ტექნიკაა ჩართული. აღდგენილია საზოგადოებრივი ტრანსპორტის მოძრაობა.
„თოვლის სახით მოსულმა უხვმა ნალექმა გარკვეული პრობლემები შექმნა სატრანსპორტო საშუალებებით გადაადგილების მხრივ. შეფერხებით მოძრაობდა საზოგადოებრივი ტრანსპორტი, გვაქვს თხუთმეტი ყველაზე მწვავე ლოკაცია, ძირითადად მაღალი ზონის სოფლებში, თუმცა დილიდან მუნიციპალური სამსახურებისა და საავტომობილო გზების დეპარტამენტის კუთვნილი ტექნიკა ჩართულია გაწმენდით სამუშაოებში, ამ დროისთვის ძირითადი ლოკაციები გაწმენდილია, აღდგენილია საზოგადოებრივი ტრანსპორტის მოძრაობა. ასევე გვავქს შეფერხებები ელექტროენერგიის მიწოდების კუთხით, ,,ენერგო პრო ჯორჯიას“-თან ერთად ვმუშაობთ რათა შემჭიდროებულ ვადებში აღმოიფხვრას აღნიშნული პრობლემა, ვაგრძელებთ სამუშაოებს და ყველა ლოკაცია იქნება თოვლისგან გაწმენდული“-აღნიშნა ზუგდიდის მუნიციპალიტეტის მერმა მამუკა წოწერიამ.
