ფოთში წყალარინების სამუშაოების გამო გზების გარკვეულ მონაკვეთზე შეზღუდვები დაწესდა
08.11.2024 / 8 ნოემბერი 2024
ქალაქ ფოთში, სამეგრელოს ქუჩაზე, დაიწყო წყალარინების სისტემის მოწყობის სამუშაოები, რის გამოც ავტომობილების მოძრაობა ნაწილობრივ შეზღუდულია. ინფორმაციას ფოთის მერია ავრცელებს:
,,სამეგრელოს ქუჩაზე ტრანსპორტის გადაადგილება შესაძლებელი იქნება ცალმხრივად, ქალაქის მიმართულებით კი დავითაიას ქუჩის გავლით.
წყალარინების სამუშაოების დასრულების შემდეგ, სამეგრელოს ქუჩაზე სრულად განხორციელდება საგზაო ინფრასტრუქტურის მოწყობა.
ბოდიშს გიხდით შექმნილი დისკომფორტისთვის!” – ნათქვამია მერიის მიერ გავრცელებულ ინფორმაციაში.
