ზუგდიდის მუნიციპალიტეტში 20 ათასი დაფნის ნერგი დაირგვება
29.07.2024 / 29 ივლისი 2024
ზუგდიდის მუნიციპალიტეტის 50-ზე მეტ ლოკაციაზე 20 000 ძირი დაფნის ნერგის დარგვა იგეგმება. ზუგდიდის მერიის მიერ გამოცხადებულ ტენდერში მონაწილეობა ინდ. მეწარმე დავით ჩაგანავამ და კოოპერატივმა „შამათიამ“ მიიღო და ამ უკანასკნელმა გაიმარჯვა კიდეც.
სატენდერო დოკუმენტებიდან ირკვევა, რომ კომპანია სამუშაოებს 18 800 ლარად შეასრულებს. „შამათიამ“ დაფნის ბაღის მოწყობისთვის დაფნის ნერგების 6 ეტაპად უნდა მოახდინოს.
ამასთანავე, კოოპერატივმა არანაკლებ ერთწლიანი ნარგავების მიწოდება უნდა უზრუნველყოს, თითოეულის სიმაღლე 50 სმ-ზე მეტი უნდა იყოს და დაფასოებული უნდა იყოს 50 კონად.
რაც შეეხება მიწოდების პერიოდს, კოოპერატივმა „შამათიამ“ დაფნის ნერგების მიწოდება მიმდინარე წლის 1-ელი ოქტომბრიდან 15-ნოემბრამდე უნდა განახორციელოს.
