გუბერნატორი სენაკის აიპებში თანამშრომლებს შეხვდა
სამეგრელო-ზემო სვანეთის სახელმწიფო რწმუნებული, გიორგი გუგუჩია, რწმუნებულის პირველ მოადგილესთან, ნინო ვიბლიანთან და სენაკის მერთან, ვახტანგ გადელიასთან ერთად, სენაკის მუნიციპალიტეტის საზოგადოებრივი მომსახურების, მზრუნველობამოკლებულთა კვების ცენტრების, მუნიციპალიტეტის სასპორტო გაერთიანებისა და საფეხბურთო კლუბის წარმომადგენლებს შეხვდა.
სახელმწიფო რწმუნებული დეტალურად გაეცნო მუნიციპალურ აიპებში არსებულ მდგომარებას, მიიღო ინფორმაცია ცენტრების საქმიანობის, მათ მიერ მიმდინარე, განხორციელებული და დაგეგმილი პროექტების შესახებ.
სახელმწიფო რწმუნებული ასევე გაეცნო არსებულ გამოწვევებს და გადაჭრის გზებზეც შეხვედრებზევე ისაუბრა.
სახელისუფლო გუნდის ინიციატივით, უკვე წლებია, სენაკის მუნიციპალიტეტში ფუნქციონირებს მზრუნველობამოკლებულთა კვების ცენტრი. ცენტრის 225 ბენეფიციარი, ყოველდღიურად უზრუნველყოფილია საკვებით, საჭიროების შემთხვევაში, უფასო სამედიცინო მომსახურებით.
სახელმწიფო რწმუნებულმა სენაკში ასევე გამართა მოქალაქეებთან მიღება, სამუშაო შეხვედრა – მერის წარმომადგენლებთან ადმინისტრაციულ ერთეულებში, ასევე შეხვდა სენაკის მუნიციპალიტეტში მოქმედი მუნიციპალური აიპების – საზოგადოებრივი ჯანდაცვის, ხელოვნების, მოსწავლე-ახალგაზრდობისა და კულტურის ცენტრის, სკოლამდელი აღზრდის გაერთიანების წარმომადგენლებს. გიორგი გუგუჩია აიპებთან მსგავს შეხვედრებს რეგიონის მუნიციპალიტებში გეგმავს.
