სახელწმიფო რწმუნებული კულტურის და სპორტის აიპის თანამშრომლებს შეხვდა
სამეგრელო-ზემო სვანეთის სახელმწიფო რწმუნებული გიორგი გუგუჩია, ზუგდიდის მერთან მამუკა წოწერიასთან ერთად, მოსწავლე ახალგაზრდობის სასახლის, სახელოვნებო სკოლების გაერთიანების და სპორტის განვითარების ცენტრის ა.ა.ი.პ-ების თანამშრომლებს შეხვდა. ინფორმაციას სახელმწიფო რწმუნებულის ადმინისტრაცია ავრცელებს.
„სახელმწიფო რწმუნებული ადგილზე გაეცნო ჩამოთვლილი ა.ა.ი.პ-ების მუშაობის სპეციფიკას, თანამშრომლებისგან მოისმინა საჭიროებების და არსებული პრობლემების შესახებ ინფორმაცია. გიორგი გუგუჩიამ ხელოვნების, კულტურის და სპორტის განვითარებისთვის და მიღწეული შედეგებისთვის ცენტრების თანამშრომლებს მადლობა გადაუხადა.
დღეს გამართულ შეხვედრებს ასევე ესწრებოდნენ სახელმწიფო რწმუნებულის მოადგილე დავით კუხალეიშვილი და ზუგდიდის მერის პირველი მოადგილე კონსტანტინე კაკავა.
გიორგი გუგუჩიამ, მსგავს ფორმატში შეხვედრები უკვე გამართა ზუგდიდში მოქმედ სხვადასხვა აიპების თანამშრომლებთან. არსებული საჭიროებების ადგილზე გაცნობის, კოორდინირებული და ეფექტური მუშაობისთვის სახელმწიფო რწმუნებული მსგავსი შეხვედრების გამართვას ყველა მუნიციპალიტეტში გეგმავს.“- აღნიშნულია გავრცელებულ ინფორმაციაში.
