ზუგდიდის საკრებულოს თავმჯდომარის იმპიჩმენტის საკითხი მომდევნო კვირას განიხილება
ხმაურისა და პროტესტის ფონზე დაიწყო ზუგდიდის საკრებულოს სხდომა. მმართველ გუნდს გახარიას პარტია და ფრაქცია ახალის წევრები სიტყვიერად დაუპირისპირდნენ. დღევანდელ სხდომაზე საკრებულოს თავმჯდომარისა და მოადგილეების გადაყენების საკითხი უნდა განეხილათ, რომელიც მმართველმა გუნდმა დააინიცირა, თუმცა სხდომა ჩაიშალა.
ხმაური სხდომის დაწყებისას რეგისტრაციის პროცედურებს მოყვა. ოპოზიციური პარტიების მტკიცებით, მმართველი გუნდი ცდილობს ნაციონალურ მოძრაობასთან პოლიტიკური გარიგებით საკრებულოში უმრავლესობის მოპოვებას, რასაც ბრალდებებით პასუხობენ მმართველ გუნდში და ოპოზიციურ პარტიებს უახლოესს პოლიტიკურ წარსულს ახსენებენ და მათ მოუწოდებენ მხარი დაუჭიროთ ქმედუუნარო საკრებულოს თანამდებობის პირთა გადაყენებას. მათი განცხადებით, გახარიასა და ახალის წევრებმა თანამდებობები გარიგების შედეგად გადაინაწილეს პასუხისმგებლობა კი არ აიღეს , რის გამოც საკრებულო ბოლო თვეებია პარალიზებულად მუშაობს.
ზუგდიდის 45 წევრიან საკრებულოში უმრავლესობა არც ერთ პოლიტიკურ პარტიას არ აქვს. 21 მანდატი აქვს მმართველ გუნდს, კვორუმისთვის კი საჭიროა 23 ხმა. დღევანდელ სხდომას არ დასწრებიან ნაციონალური მოძრაობის წევრები.მომდენო სხდომა 3 ივნისს განახლდება.
