ხობში ნოჯიხევის გზის რეაბილიტაცია მიმდინარეობს
12.03.2024 / 12 მარტი 2024
ხობის მუნიციპალიტეტის ნოჯიხევის ადმინისტრაციულ ერთეულში გზის რეაბილიტაცია მიმდინარეობს. ინფორმაციას სახელმწიფო რმწუნებულის ადმინისტრაციის პრეს სამსახური ავრცელებს.
არსებულ ორკილომეტრიან მონაკვეთზე აქამდე მხოლოდ გრუნტის გზა იყო. ახალი გზის რეაბილიტაციისთვის 1 მილიონ 300 ათას ლარამდე გამოიყო, გზასთან ერთად ეწყობა სანიაღვრე სისტემაც.
მიმდინარე პოცესს სამეგრელო-ზემო სვანეთის სახელმწიფო რწმუნებული გიორგი გუგუჩია, ხობის მერთან დავით ბუკიასთან ერთად გაეცნო და ადგილობრივ მოსახლეობას შეხვდა.
საგზაო ინფრასტრუქტურის რეაბილიტაციის პროექტი საქართველოს რეგიონებში განსახორციელებელი პროექტების ფონდისა და ადგილობრივი ბიუჯეტის დაფინანსებით ხორციელდება.
