დაზვერვის სამსახურის უფროსად ირაკლი ბერაია დაინიშნა
05.04.2024 / 5 აპრილი 2024
საქართველოს დაზვერვის სამსახურის უფროსად ირაკლი ბერაია დაინიშნა. შესაბამისი ბრძანება პრემიერ-მინისტრმა ირაკლი კობახიძემ უკვე გამოსცა. ინფორმაციას მთავრობის ადმინისტრაცია ავრცელებს.
ირაკლი ბერაია დღემდე საქართველოს პარლამენტის თავდაცვისა და უშიშროების კომიტეტის თავმჯდომარე იყო. სხვადასხვა დროს ის იკავებდა შინაგან საქმეთა სამინისტროს რეფორმებისა და განვითარების დეპარტამენტის დირექტორის პოზიციას, ასევე იყო სახელმწიფო უსაფრთხოების სამსახურის საინფორმაციო-ანალიტიკური დეპარტამენტის დირექტორი. 2016-2021 წლებში ირაკლი ბერაია სენაკის მაჟორიტარი დეპუტატი იყო.
