„უცხოური გავლენის გამჭვირვალობის შესახებ’’ კანონპროექტი დღეს პარლამენტის ბიუროს წარედგინება
08.04.2024 / 8 აპრილი 2024
„უცხოური გავლენის გამჭვირვალობის შესახებ’’ კანონპროექტი დღეს პარლამენტის ბიუროს სხდომას წარედგინება, რის შემდეგაც საკომიტეტო განხილვები დაიწყება. მმართველ პარტიაში აცხადებენ, რომ მათი ოპონენტების და მესამე სექტორის განცხადებები სპეკულაციაა, ვინაიდან, კანონპროექტი თანხების ჩარიცხვასთან დაკავშირებით დეკლარაციის შევსებასა და გასაჯაროებას ითვალისწინებს.
კანონპროექტი პარლამენტში ზუსტად იგივე ტექსტით დაინიცირდა, როგორც შარშან, ერთადერთი განსხვავებით – ტერმინი „უცხოური აგენტი“ შეიცვალა და წარდგენილია შემდეგი ვარიანტი: „უცხოური ძალის ინტერესების გამტარებელი ორგანიზაცია“.
