ირაკლი კობახიძე: ჩვენი მხარდაჭერა დღეს არის 60%-მდე, აქედან გამომდინარე, ოპოზიცია, განსაკუთრებით მისი რადიკალური ნაწილი, განწირულია მარცხისთვის
ჩვენი მხარდაჭერა დღეს არის 60%-მდე, რაც 2012 წლის შემდეგ ყველაზე მაღალი მაჩვენებელია – 55-დან 60%-მდე გვაქვს საზოგადოებისგან ურყევი მხარდაჭერა გასული 1 წლის განმავლობაში, – ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებთან განაცხადა.
„შესაბამისად, ასეთ ვითარებაში ზოგადად კოალიცია პრაქტიკულად გამორიცხულია. რა თქმა უნდა, არჩევნებამდე 8 თვე გვაქვს დარჩენილი, მაგრამ არსებით ცვლილებებს ბუნებრივია არ ველოდებით. აქედან გამომდინარე, ოპოზიცია, განსაკუთრებით მისი რადიკალური ნაწილი, განწირულია მარცხისთვის. როცა საუბრობენ კოალიციაზე, აქ იგულისხმება ნაცმოძრაობის დაბრუნება ხელისუფლებაში. აქ ჩაერთვება სალომე ზურაბიშვილი, „ლელო“ და ა.შ. ეს ყველა ერთი ხალხია, ერთი ნიშნით არიან წარმოდგენილები. აქედან გამომდინარე, თუ ვინმე საუბრობს ნაცმოძრაობის ხელისუფლებაში დაბრუნებაზე, რა თქმა უნდა, ეს შეუძლებელია – ვერანაირი შეფუთვით ნაცმოძრაობა ხელისუფლებაში ვერ დაბრუნდება“, – აღნიშნა კობახიძემ.
მსგავსი სიახლეები
ირაკლი კობახიძე: დღევანდელი მოცემულობით, „ქართულ ოცნების“ მხარდაჭერა არის დაახლოებით 60 პროცენტი
ირაკლი კობახიძე: რადიკალური ოპოზიცია გადაიქცა კოლექტიურ ლევან ხაბეიშვილად და გიორგი ვაშაძედ, ეს არის კოლექტიური, როგორც ბატონი ლევანი იტყოდა, „ქურქუმალ ვაითი“
