ფოთის მერმა პედაგოგებს და მოსწავლეებს სასწავლო პროცესის დაწყება მიულოცა
დღეს, ფოთის საჯარო და კერძო სკოლებში საგანმანათლებლო პროცესი განახლდა.
ქალაქის მერმა ბექა ვაჭარაძემ ახალი სასწავლო წლის დაწყება სკოლის პედაგოგებს, მოსწავლეებს და მშობლებს სსიპ ქ. ფოთის მუნიციპალიტეტის მე-12 საჯარო სკოლიდან მიულოცა და წარმატებები უსურვა.
„ძვირფასო მასწავლებლებო, მოსწავლეებო და მშობლებო, გილოცავთ ახალი სასწავლო წლის დაწყებას.
დღეს გამორჩეულად ემოციური დღეა პირველკლასელებისთვის და იმ პატარებისთვის, ვინც პირველად შეაღო ბაღის კარი.
ახალი სასწავლო წლის დაწყების საზეიმო ცერემონიალს ქალაქ ფოთის XII საჯარო სკოლაში დავესწარი.
განსაკუთრებით სასიამოვნოა, რომ ამავე სკოლის ქართული ენის მასწავლებელს, ქალბატონ ამალია იოსელიანს საქართველოს დამსახურებული მასწავლებლის დიპლომი და სამკერდე ნიშანი გადავეცით. წარმატებულ, მშვიდობიან და ნაყოფიერ სასწავლო წელს გისურვებთ ყველას”- განაცხადა ფოთის მერმა.
სკოლის კარები პირველად, ფოთის მუნიციპალიტეტში წელს 550-მა პირველკლასელმა შეაღო.
სრულიად სასკოლო საზოგადოებას ვულოცავთ 2023-2024 სასწავლო წლის დაწყებას. წარმატებულ, ნაყოფიერ და საინტერესო სასწავლო წელს გისურვებთ!
