მარტვილის კანიონში 3D განათების სისტემა, ბალდაში კი ეკოტურისტული ბილიკები მოეწყობა
დღეს გამართულ პრესკონფერენციაზე დაცული ტერიტორიების სააგენტოს თავმჯდომარემ თამარ ხახიშვილმა მარტვილის კანიონში 3D განათების სისტემა მოეწყობის შესახებ ისაუბრა. მისი თქმით, სიახლე სტუმრებს შესაძლებლობას მისცემს აღნიშნული ლოკაციები ღამის საათებშიც დაათვალიერონ. მისივე თქმით, მარტვილის მუნიციპალიტეტის სოფელ ბალდაში მდებარე კანიონის ტერიტოერიაზე ეკოტურისტული ბილიკების მშენებლობა დაიწყება.
„წელს პირველად, იმისთვის, რომ საზოგადოებას საღამოს საათებშიც მივცეთ საშუალება, მარტვილის კანიონს ეწვიონ, მათ დახვდებათ 3D განათების სისტემა. ეს არის სრულიად ახალი პროდუქტი, რომელსაც ვიზიტორებს შევთავაზებთ. უკვე საღამოს საათებშიც შეეძლებათ ვიზიტორებს, რომ იხილონ, როგორც მარტვილის კანიონი, ასევე ოკაცეს ჩანჩქერი” განაცხადა ხახიშვილმა.
„ასევე, ბალდის კანიონზე წელს პირველად ვიწყებთ ეკოტურისტულ ბილიკების მშენებლობას და ვცდილობთ სხვადასხვა დაცულ ტერიტორიებზე დივერსიფიცირებული სერვისები შევთავაზოთ ჩვენს ვიზიტორებს“,- განაცხადა დაცული ტერიტორიების სააგენტოს თავმჯდომარემ. მისივე ინფორმაციით, იგეგმება დაცული ტერიტორიების ქსელის გაფართოება, უახლოეს პერიოდში დაიწყება სამეგრელოსა და სვანეთის ტერიტორიების მოკვლევა, საუბარია დაახლოებით, 70 ათას ჰექტარ ტერიტორიაზე.
![ლებარდე – მარტვილის მუნიციპალიტეტი [ფოტოგალერეა]](https://api.stv.ge/uploads/2019/09/70376909_391170151578993_6815590860793577472_n-1.jpg)