Smart city ზუგდიდი – 5000 ლარიანი გრანტი გამოცხადდა
ზუგდიდის ტექნოპარკში, 17-18 ივნისს, ჰაკათონი Smart city ზუგდიდი ჩატარდება. Smart City – ზუგდიდი არის ღონისძიება, რომელიც აერთიანებს ურბანისტებს, არქიტექტორებს, დეველოპერებს, მკვლევარებს, დიზაინერებს, მეწარმეებს და ადამიანებს, რომლებიც დაინტერესებულები არიან საკუთარი ქალაქი საცხოვრებლად ეფექტურ და ინტელექტუალურ ადგილად აქციონ. მონაწილეობის მიღება შეეძლება 16 წელს გადაცილებულ მოქააქეს.
ჰაკათონი ჩატარდება ზუგდიდის ტექნოპარკში და მონაწილეებს შესაძლებლობა ექნებათ უფასოდ ისარგებლონ ფაბლაბში, მაღალტექნოლოგიური დანადგარების სერვისებითა და საერთო სამუშაო სივრცით.
ჰაკათონის გამარჯვებულს საჩუქრად გადაეცემა გრანტი 5000 ლარი.
მონაწილეები გაერთიანდებიან გუნდებად და 2 დღის განმავლობაში იმუშავებენ ზუგდიდში აღნიშნულ მიმართულებებში არსებული პრობლემების ტექნოლოგიურ გადაწყვეტაზე:
ტექნოლოგიაზე დაფუძნებული ინფრასტრუქტურა; გარემოსდაცვითი ინიციატივები, მაღალფუნქციური საზოგადოებრივი ტრანსპორტი, ჭკვიანი პარკინგის სისტემა, ნარჩენების მართვა, გადაუდებელი დახმარების სერვისების ოპტიმიზაცია, ენერგოეფექტურობა, ქალაქის პროგრესული დაგეგმარება; ბუნებრივი და ეკონომიკური ხარჯების შემცირება.
