ზუგდიდის ტექნოპარკში USAID-ის ახალი პროგრამა წარადგინეს
ზუგდიდის ტექნოპარკში, USAID-ის ძლიერი სოფლის პროგრამისა და საქართველოს ინოვაციებისა და ტექნოლოგიების სააგენტოს ერთობლივი ღონისძიება – “Innovate ABL: ინოვაციებისა და მეწარმეობის ხელშეწყობა ადმინისტრაციულ გამყოფ ზოლთან მდებარე თემებში” გაიმართა.
ღონისძიებას ამერიკის შეერთებული შტატების ელჩი საქართველოში კელი დეგნანი, ზუგდიდის მუნიციპალიტეტის მერი მამუკა წოწერია, სამეგრელო-ზემო სვანეთს სახელმწიფო რწმუნებულის პირველი მოადგილე ნინო ვიბლიანი და GITA-ს და USAID-ის ძლიერი სოფლის პროგრამის ხელმძღვანელები ესწრებოდნენ.
ღონისძიების ფარგლებში პირველი აქტივობის – პრე-აქსელერაციის პროგრამა წარადგინეს, რომელიც მეწარმეებს თავიანთი სტარტაპ იდეების განვითარებაში დაეხმარება.
ზუგდიდის მუნიციპალიტეტის მერის მამუკა წოწერიას თქმით, USAID-ის ახალი სოფლის გაძლიერების პროგრამა ძალიან მნიშვნელოვანია მუნიციპალიტეტისთვის და განსაკუთრებით გამყოფ ხაზთან მცხოვრები მოსახლეობისთვის, ვინაიდან მოხდება, მათი, როგორც ტექნიკური,ასევე ფინანსური მხარდაჭერა, არსებული ბიზნესისა და ახალი სტარტაპ იდეების კიდევ უფრო განვითარებისთვის, ეს ჩვენი მოსახლეობისთვის არის შესაძლებლობა განავითარონ საკუთარი სამეწარმეო უნარები და საკუთრაი ბიზნეს იდეების რეალიზაცია მოახდინონ.
