ირაკლი კობახიძე: როცა კეზერაშვილმა დაიწყო საქართველოში „ქოლცენტრების“ ბიზნესი, გახარია ჯერ შს მინისტრი იყო და მოგვიანებით პრემიერი. გამოდის, რომ გახარიას სცოდნია ყველაფერი და საკუთარი თავი უნდა გამოიძიოს
მმართველი პარტიის თავმჯდომარე ირაკლი კობახიძე ე.წ. ქოლცენტრების საქმეზე საგამოძიებო კომისიის შექმნის შესახებ გიორგი გახარიას განცხადებას გამოეხმაურა.
„ასეთი აბსურდული განცხადებები კეთდება, როდესაც გყავს უფროსი, დამფინანსებელი, რომელიც რაღაც მომენტში რაღაცის თქმას გავალებს. კეზერაშვილთან გახარიას კავშირები ცნობილია. მიიღო დავალება და ასეთი სისულელე თქვა. თან ამტკიცებს, რომ ხელისუფლების გარეშე ეს ვერ მოხდებოდაო და გამოძიებით ირკვევა, რომ როცა კეზერაშვილმა დაიწყო საქართველოში „ქოლცენტრების“ ბიზნესი, გახარია ჯერ შინაგან საქმეთა მინისტრი იყო და მოგვიანებით პრემიერი. მაშინ გამოდის, რომ გახარიას სცოდნია ყველაფერი და საკუთარი თავი უნდა გამოიძიოს“, – განაცხადა კობახიძემ.
ყოფილმა პრემიერ-მინისტრმა და პარტია „საქართველოსთვის“ ხელმძღვანელმა გიორგი გახარიამ ე.წ. ქოლცენტრების საქმეში „ნაციონალურ მოძრაობასთან“ ერთად ხელისუფლების ჩართულობაზე ისაუბრა.
მსგავსი სიახლეები
ირაკლი კობახიძე: როდესაც ბიძინა ივანიშვილის ადვოკატი ხარ და ამავდროულად, უცხოური გავლენის აგენტი ხდები, ეს ყველაფერი ნიშნავს, რომ ასეთი დამოკიდებულებით პრემიერი ვერასდროს გახდები
ირაკლი კობახიძე: „ნაცმოძრაობა“ გახარიას უწოდებდა „თვალთხარიას“, გახარია კი „ნაცმოძრაობას“ სისხლიან რეჟიმად მოიხსენებდა, როცა ამ შეფასებების მიუხედავად იკვრება კოალიცია, ეს ნიშნავს იმას, რომ მათ არ აქვთ ღირებულებები
