საპატრიარქო: ქვეყნისთვის სიკეთის მოტანა წარმოუდგენელია „მოლოტოვის კოქტეილებით“, პოლიციელებისთვის ცეცხლის წაკიდებისა და პარლამენტში ხანძრის გაჩენის მცდელობით, მიუღებელია ისიც, რომ გუშინდელ აქციაზე ლოცვასთან ერთად ისმოდა მუქარა
გუშინ გამართულ საპროტესტო აქციაზე სასულიერო პირი თვითნებურად მოქმედებდა საეკლესიო კანონიკის დარღვევით, მისი მოწოდებები პოლარიზაციას უწყობდა ხელს, საეკლესიო ეთიკისთვის შეუფერებელია მლოცველი ადამიანისგან შეურაცხმყოფელი მიმართვები, გინება და, მით უფრო, ქვების სროლა, – ამის შესახებ ნათქვამია საქართველოს საპატრიარქოს განცხადებაში.
საპატრიარქოს ცნობით, აღნიშნული სასულიერო პირი არ მიეკუთვნება მცხეთა-თბილისის ეპარქიას და მის მღვდელმთავარს რეაგირებისათვის გაეგზავნა შესაბამისი წერილი.
ამასთან, განცხადებაში ნათქვამია, რომ ქვეყნისთვის სიკეთის მოტანა წარმოუდგენელია „მოლოტოვის კოქტეილებით“, პოლიციელებისთვის ცეცხლის წაკიდებისა და პარლამენტში ხანძრის გაჩენის მცდელობით და მიუღებელია ისიც, რომ გუშინდელ აქციაზე ლოცვასთან ერთად ისმოდა მუქარა.
„რამდენიმე დღის წინ განვითარებულ მოვლენებთან დაკავშირებით ჩვენ მიერ გაკეთდა განცხადება, სადაც სასულიერო პირებს რადიკალური და საზოგადოებაში პოლარიზაციის ხელშემწყობი პოზიციების საჯაროდ დაფიქსირებისაგან თავის შეკავებისაკენ მოვუწოდეთ. რამდენიმე დღის წინ განვითარებულ მოვლენებთან დაკავშირებით ჩვენ მიერ გაკეთდა განცხადება, სადაც სასულიერო პირებს რადიკალური და საზოგადოებაში პოლარიზაციის ხელშემწყობი პოზიციების საჯაროდ დაფიქსირებისაგან თავის შეკავებისაკენ მოვუწოდეთ.
მიუხედავად ამისა, გუშინ, 2023 წლის 14 მარტს, გამართულ საპროტესტო აქციაზე თვითნებურად მოქმედებდა სასულიერო პირი. მეტიც, ის მოქმედებდა საეკლესიო კანონიკის დარღვევით და მისი მოწოდებები საზოგადოების პოლარიზაციას უწყობდა ხელს.
აღნიშნული სასულიერო პირი არ მიეკუთვნება მცხეთა-თბილისის ეპარქიას და მის მღვდელმთავარს რეაგირებისათვის გაეგზავნა შესაბამისი წერილი.
აღვნიშნავთ, რომ ქვეყნისათვის რაიმე სიკეთის მოტანა სრულიად წარმოუდგენელია, „მოლოტოვის კოქტეილების“ საშუალებით, სამართალდამცავებისათვის ცეცხლის წაკიდებისა და პარლამენტის შენობაში ხანძრის გაჩენის მცდელობით, ეს სრულიად მიუღებელია. ასევე მიუღებელია ის, რაც გუშინ ვიხილეთ, როდესაც აქციაზე ლოცვასთან ერთად ისმოდა მოქალაქეებისადმი მუქარა.
საეკლესიო ეთიკისთვის შეუფერებელია მლოცველი ადამიანისაგან შეურაცხმყოფელი მიმართვები, გინება და, მით უფრო, ქვების სროლა.
როგორც ადრე აღვნიშნეთ, დღეს საქართველოს განსაკუთრებულად სჭირდება მშვიდობა როგორც ქვეყნის შიგნით, ასევე საერთაშორისო მიმართულებით. ყოველი ძალადობრივი ფაქტი, პოლარიზებისა და შფოთის მცდელობა, დაუბალანსებელი მოწოდება, რომელი მხრიდანაც უნდა იყოს ის ნაკარნახევი, ეკლესიისგან შორს დგას.
ვლოცულობთ მშვიდობისა და ჩვენი ქვეყნის სიმტკიცისთვის“, – აღნიშნულია საქართველოს საპატრიარქოს განცხადებაში.
მსგავსი სიახლეები
კახა კალაძე: მჯერა და დარწმუნებული ვარ, რომ ჩვენ, ერთად მოვახერხებთ ერთმანეთის დაბრუნებას და საქართველოს ტერიტორიული მთლიანობის აღდგენას
ირაკლი ღარიბაშვილი: 2024 წელს მსოფლიო ტურიზმის დღე საქართველოში აღინიშნება და სიმბოლურია, რომ მისი მთავარი თემა იქნება მშვიდობა და ტურიზმი და რომ სწორედ ჩვენი ქვეყანაა არჩეული ამ მნიშვნელოვანი ღონისძიების ჩასატარებლად
![რულოვსის შეხვედრაზე ანთებული ფრანები და ხანძრის გაჩენის საშიშროება [ვიდეო]](https://api.stv.ge/uploads/null)