წალენჯიხაში არასამთავრობო სექტორის წარმომადგენლებთან საინფორმაციო და გაცნობითი ხასიათის შეხვედრა გაიმართა
10 ნოემბერს წალენჯიხის მუნიციპალიტეტის მთავარი ბიბლიოთეკის დარბაზში, წალენჯიხის მუნიციპალიტეტის მერიის ადმინისტრაციული სამსახურის, საინფორმაციო უზრუნველყოფისა და საზოგადოებასთან ურთიერთობის განყოფილების უფროსი სპეციალისტის ხათუნა თორდიას ინიციატივითა და მერიის მხარდაჭერით, არასამთავრობო სექტორის წარმომადგენლებთან საინფორმაციო და გაცნობითი ხასიათის შეხვედრა შედგა.
აღნიშნული შეხვედრა მუნიციპალიტეტის თვითმმართველობის ორგანიზებით პირველად გაიმართა.
შეხვედრას ოცამდე არასამთავრობო სექტორის წარმომადგენლები იმყოფებოდნენ.
შეხვედრის მიზანი გახლდათ,სამეგრელოს რეგიონში მომუშავე არასამთავრობო სექტორისა და წალენჯიხის მუნიციპალიტეტის ხელმძღვანელი პირების ურთიერთთანამშრომლობა და ჩართულობა.
მოხდა ინფორმაციის გაცვლა მიმდინარე პროექტების, პრიორიტეტებისა და საჭიროებების შესახებ,შემდგომში ურთიერთთანამშრომლობის კუთხით.
შეხვედრაზე მოწვეულმა თითოელმა ორგანიზაციამ წარმოადგინა პრეზენტაცია ორგანიზაციაზე და მიმდინარე პროექტებზე.
წალენჯიხის მუნიციპალიტეტის ხელმძღვანელმა პირებმა მზაობა გამოთქვეს მჭიდრო ურთიერთთანამშრომლობისთვის.
აღნიშნულიქნა, რომ დღევანდელი შეხვედრა უმნიშვნელოვანესია წალენჯიხის მუნიციპალიტეტის პრიორიტეტებისა და საჭიროებისას იდენტიფიცირებისათვის.
არასამთავრობო სექტორის წარმომადგენლებმა მადლობა გადაუხადეს ხელისუფლების წარმომადგენლებს ღონისძიების ორგანიზებისა და მჭიდრო თანამშრომლობაზე მზაობისთვის.
მსგავსი სიახლეები
წალენჯიხაში უვიზო მიმოსვლის შესახებ საინფორმაციო კამპანიის ფარგლებში შეხვედრა გაიმართა
მარტვილისა და ოკაცეს ბუნების ძეგლების ადმინისტრაციის მენეჯმენტის გეგმის პროექტის გაცნობითი სამუშაო შეხვედრა გაიმართა
