მამუკა ყურშვილი კარატეს ფედერაციის პრეზიდენტად აირჩიეს
07.11.2022 / 7 ნოემბერი 2022
საქართველოს კარატეს ეროვნული ფედერაციის პრეზიდენტად მამუკა ყურაშვილი აირჩიეს.
ყოფილმა პრეზიდენტმა კახა ბასილიამ, რომელიც ფედერაციას რვა წლის განმავლობაში ხელმძღვანელობდა, თანამდებობა საკუთარი განცხადების საფუძველზე დატოვა, რის გამოც რიგგარეშე არჩევნების ჩატარება გახდა საჭირო.
ყრილობას, რომელიც ბათუმში ჩატარდა, 70-მდე დელეგატი ესწრებოდა. მათი გადაწყვეტილებით მომდევნო სამი წლის განმავლობაში საქართველოს კარატეს ეროვნულ ფედერაციას მამუკა ყურაშვილი უხელმძღვანელებს.
პარალელურად მამუკა ყურაშვილი ზუგდიდის საკრებულოს მაჟორიტარი წევრია.
