რაულ ჩილაჩავას შემოქმედებითი საღამო აბაშაში
აბაშელი ლიტერატურის მოყვარულები დიდი სიყვარულით შეხვდნენ ცნობილ მწერალსა და მთარგმნელს, ფილოლოგიის მეცნიერებათა დოქტორს, პროფესორს, საზოგადო მოღვაწეს, მრავალი სალიტერატურო პრემიის ლაურეატს-რაულ ჩილაჩავას, რომელიც მრავალწლიანი მოღვაწეობის შემდეგ თავის მეორე სამშობლოდ ქცეულ უკრაინიდან, საქართველოში დაბრუნდა.
მას შეხვედრები გაუმართეს თბილისსა და მშობლიურ ზუგდიდში. რაც შეეხება აბაშურ საღამოს იგი პოეზიისა და სიყვარულის შეხვედრად იქცა.კულტურის ცენტრში პოეზიის საღამოს დაწყებამდე სტუმარი ეწვია სიმონ ჩიქოვანის სახელობის მუზეუმს სოფელ ნაესაკოვოში, სადაც გულთბილად შეხვდნენ.ს
წორედ გამოჩენილი აბაშელების კალმის დიდოსტატების-მწერალ-აკადემიკოს კონსტანტინე გამსახურდიასა და მისი ღვაწლმოსილი თანამედროვის, სიმონ ჩიქოვანის გახსენებით დაიწყო თავისი სათქმელი სტუმარმა.შეხვედრას, მუნიციპალიტეტის მერიისა და საკრებულოს ხელმძღვანელებისა და წარმომადგენლების გარდა დაესწრნენ ცნობილი პოეტი, მრავალი პრემიის ლაურეატი ბათუ დანელია და ასევე პოპულარული პოეტი და ნოველისტი ვასილ ბესელია.
რაულ ჩილაჩავამ და პატარა დეკლამატორებმა წაიკითხეს ბევრი ლექსი ორიგინალურიც და ნათარგმნიც.კულტურის ცენტრის მუსიკალურმა ჯგუფებმა შეასრულეს როგორს ქართული ხალხური, ისე თანამედროვე კომპოზიტორთა სიმღერები.სტუმარმა არაერთ ლიტერატურის მოყვარულს გადასცა ავტოგრაფიანი წიგნები. მუნიციპალიტეტის მერიამ კი ფასიანი საჩუქარი გადასცა სტუმარს.
