სოფელ ლეწურწუმეში წყალმომარაგების სისტემის მოწყობა მიმდინარეობს
17.05.2022 / 17 მაისი 2022
სოფელ ლეწურწუმეში წყალმომარაგების სისტემის მოწყობა მიმდინარეობს. სამუშაოების მიმდინარეობას მუნიციპალიტეტის მერი დათო გოგუა და მერის პირველი მოადგილე გოჩა ჩიქოვანი ადგილზე გაეცნენ.
პროექტი რეგიონული განვითარების ფონდისა და ადგილობრივი ბიუჯეტის თანადაფინანსებით ხორციელდება და მისი ბიუჯეტი 380 380 ლარს შეადგენს. პროექტის ფარგლებში ეწყობა ჭაბურღილი და ტარდება დაქსელვითი სამუშაოები.
პროექტის დასრულების შემდეგ უწყვეტი წყალმომარაგებით ეგიარზენის უბანში მცხოვრები 112 ოჯახი ისარგებლებს. ლეწურწუმეში სასმელი წყლის სისტემა მოეწყო ასევე სოფლის ცენტრსა და საპერტაიოს უბანში. წყალმომარაგების პრობლემა სხვა ადმინისტრაციულ ერთეულებშიც დგას, რაც ეტაპობრივად ყველა სოფელში მოგვარდება.
