იუსტიციისა და სამოქალაქო ინტეგრაციის საკითხებში აფხაზეთის მინისტრი ნანა გაბელია 300-მდე დევნილ ბავშვს საჩუქრად სასკოლო ნივთებს გადასცემს
16.09.2021 / 16 სექტემბერი 2021
დღეს, იუსტიციისა და სამოქალაქო ინტეგრაციის საკითხებში აფხაზეთის მინისტრი ნანა გაბელია კოპიტნარსა და სენაკში დევნილთა კომპაქტურად ჩასახლების ობიექტებს სტუმრობდა და აღნიშნულ ობიექტში მცხოვრებ ბავშვებს სასწავლო წლის დაწყება მიულოცა.
მინისტრმა მათ საჩუქრად სასკოლო ნივთები გადასცა და წარმატებული წელი უსურვა.
სასწავლო წლის დაწყებასთან დაკავშირებით, ნანა გაბელია ხვალ ზუგდიდის მუნიციპალიტეტის რამდენიმე კომპაქტურად ჩასახლების ობიექტსაც ესტუმრება და სასკოლო ასაკის 6-დან 9-წლამდე მოსწავლეებს საჩუქრებს ჩაუტანს.
სამოქალაქო ინტეგრაციის მხარდაჭერის პროგრამის ფარგლებში სასწავლო ნივთებს საჩუქრად 300-მდე ბავშვი მიიღებს.
მსგავსი სიახლეები
საქართველოში ორდღიანი სამუშაო ვიზიტის ფარგლებში, მოლდოვის ვიცე-პრემიერი რეინტეგრაციის საკითხებში, ოლეგ სერებრიანი, შერიგებისა და სამოქალაქო თანასწორობის საკითხებში საქართველოს სახელმწიფო მინისტრ თეა ახვლედიანთან ერთად სოფელ ოძისში საოკუპაციო ხაზს ეწვია
აფხაზეთის დე ფაქტო პრემიერ-მინისტრი ავტოავარიაში მოჰყვა და დაიღუპა
