,,მადლობა თავისუფლებისთვის…” – 9 აპრილი სენაკში
სენაკის მუნიციპალიტეტის მერმა ლევან კუპრეიშვილმა, პირველმა მოადგილემ გრიგოლ ბაღათურიამ, მოადგილემ კახაბერ კუპრეიშვილმა, მუნიციპალიტეტის საკრებულოს თავმჯდომარის მოადგილემ ბადრი კალანდარიშვილმა, საკრებულოს წევრმა, ფრაქცია ,,ქართული-ოცნება დემოკრატიული საქართველოს” თავმჯდომარემ ზაზა ნაჭყებიამ, ადგილობრივი ხელისუფლებისა და საზოგადოების წარმომადგენლებმა, პატივი მიაგეს 1989 წლის 9 აპრილს ქვენისთვის ზვარაკად შეწირულთა ხსოვნას და მემორიალი ყვავილებით შეამკეს.
9 აპრილის სკვერში მოეწყო სისხლიანი კვირის ამსახველი ფოტოგამოფენა.
საქართველოსთვის შეწირულთა ხსოვნასა და სახელმწიფოებრივი დამოუკიდებლობის აღდგენის ისტორიულ თარიღებს მიეძღვნა მხატვრულ-მუსიკალური კომპოზიცია, მოსწავლე-ახალგაზრდობისა და კულტურის ცენტრის ახალგაზრდულ თეატრ ,,ფიროსმანის“ და ანსამბლ ,,მუსიკელის“ მონაწილეობით. ასევე, ფოტოგამოფენები – ქალაქის საჯარო ბიბლიოთეკაში, ჟიული შარტავასა და მისივე სახელობის მხართმცოდნეობის მუზეუმებში.
,,ჩვენ პატივს მივაგებთ, 9 აპრილს, სამშობლოსათვის დაღუპულ გმირთა ხსოვნას და ამავე დროს, სიამაყით აღვნიშნავთ საქართველოს უახლესი ისტორიის უმნიშვნელოვანეს თარიღს – სახელმწიფოებრივი დამოუკიდებლობის აღდგენის დღეს. 1989 წლის 9 აპრილის ტრაგედიამ დასაბამი მისცა საქართველოს თავისუფლებასა და სახელმწიფოებრივი დამოუკიდებლობის აღდგენის პროცესს. ეს დღე ერის ისტორიაში დარჩება, როგორც სიმამაცის, ერთიანობის, თავისუფლებისა და თავგანწირვის სიმბოლო“ – აღნიშნა სენაკის მუნიციპალიტეტის მერმა ლევან კუპრეიშვილმა.
