სამეგრელოში, სახელმწიფო რწმუნებულის ადმინისტრაციის ერთ-ერთ თანამშრომელს კორონავირუსი დაუდასტურდა
სამეგრელო-ზემო სვანეთის სახელმწიფო რწმუნებულის ადმინისტრაციის ერთ-ერთ თანამშრომელს კორონავირუსი დაუდასტურდა. ამის შემდეგ გუბერნიის მერიის და მუნიციპალიტეტის საკრებულოს თითქმის ყველა თანამშრომელი გაიტესტა, თუმცა ახალი კოვიდ ინფექცია არც ერთ მათგანს არ დაუდასტურდა.
ასევე, ზუგდიდის მუნიციპალიტეტის სოფელ ორსანტიის ერთ-ერთ მოსწავლეს კორონავირუსი დაუდგინდა. სკოლაში ეპიდემიოლოგები მუშაობდნენ. სოფელში თავისუფალი გადაადგილება შეზღუდულია. ადგილზე ვითარებას საპოლიციო ძალები აკონტროლებენ.
სოფელ ორსანტიაში, სადაც ლოკალური ეპიდაფეთქების კერაა, შესაძლოა სკოლა დაიხუროს. საგანმანათლებლო რესურსცენტრის ხელმძღვანელის მოვალეობის შემსრულებლის ინფორმაციით, მან სოფელში არსებული ვითარების შესახებ განათლების სამინისტროს უკვე აცნობა და უწყებისგან რეკომენდაციებს ელოდება.
მსგავსი სიახლეები
ზუგდიდში კორონავირუსი ერთ-ერთი კერძო კლინიკის ექიმს და “პროკრედიტ ბანკის” ერთ თანამშრომელს დაუდასტურდა
სამეგრელო-ზემო სვანეთის სახელმწიფო რწმუნებულის ადმინისტრაციის შენობაზე სახელმწიფო დროშა დაშვებულია
