კორონავირუსით 87 წლის ხობელი ქალი დღეს დილით გარდაიცვალა
20.10.2020 / 20 ოქტომბერი 2020
- სამეგრელოდან კოვიდინფექციით უკვე მესამე პაციენტი გარდაიცვალა. 87 წლის ქალი ხობის მუნიციპალიტეტიდან დღეს დილით მცხეთის ერთ-ერთ კოვიდ კლინიკაში გარდაიცვალა. მას კორონავირუსთან ერთად თანმხლები ქრონიკული დაავადებებიც ჰქონდა.
საქართველოში ბოლო 24 საათში კორონავირუსისგან კიდევ 15 პაციენტი გარდაიცვალა და მათი რაოდენობა 158-მდე გაიზარდა.
როგორც მთავრობის ადმინისტრაციაში გამართულ ბრიფინგზე გახდა ცნობილი, გარდაცვლილებიდან თბილისში 7 დაიღუპა, ბათუმში 4, ქუთაისში 2, გორში 1, ხოლო მცხეთაში 1 პაციენტი.
საქართველოში კორონავირუსის 1194 ახალი შემთხვევა გამოვლინდა და ინფიცირების შემთხვევათა რაოდენობა 19857 -ს შეადგენს. ამის შესახებ ინფორმაცია მთავრობის კანცელარიაში ბრიფინგზე გახდა ცნობილი.
