მესტიაში საკარანტინო შეზღუდვები მოიხსნა
02.09.2020 / 2 სექტემბერი 2020
- მესტიის მუნიციპალიტეტში დღეიდან, 2 სექტემბრიდან საკარანტინო შეზღუდვები მოიხსნა. საკარანტინო შეზღუდვების სრულად მოხსნის შემდეგ, დღეიდან მესტიაში შესვლა უკვე ნებისმიერ მსურველს შეეძლება, ასევე ნებისმიერ ადამიანი შეძლებს, ლენჯერისა და მესტიის დატოვებას.
მესტიის მუნიციპალიტეტი 10 აგვისტოს ჩაიკეტა. გადაწყვეტილება მას შემდეგ იქნა მიღებული, რაც მუნიციპალიტეტში ერთდროულად ვირუსის 17 შემთხვევა გამოვლინდა.
მუნიციპალიტეტში აღნიშნული პერიოდის განმავლობაში მიმდინარეობდა თერმოსკრინინგი და მოსახლეობის ტესტირება.
რაც შეეხება ეპიდვითარებას, როგორც სამეგრელო-ზემო სვანეთის სახელმწიფო რწმუნებულის მოადგილე განმარტავს, მდგომარეობა სტაბილურია და კონტროლს სრულად ექვემდებარება.
