სოფელ ხაბუმეში გზის რეაბილიტაცია ასფალტის საფარით მიმდინარეობს
10.08.2020 / 10 აგვისტო 2020
- აქტიურად გრძელდება ჩხოროწყუს მუნიციპალიტეტში საგზაო ინფრასტრუქტურის მოწყობა. სოფელ ხაბუმეში , ჟუღუს უბანში, ასფალტო-ბეტონის საფარის დაგება მიმდინარეობს. გზის რეაბილიტაცია 5კმ-ს მანძილზე ხორციელდება.პროექტი ითვალისწინებს ასევე სანიაღვრე არხების მოწყობას.
პროექტი რეგიონული განვითარების ფონდის მიერ 1 285 000 ლარით ფინანსდება. სამუშაოებს შპს ,,ინდიკო“ ახორციელებს.
გზის სარეაბილიტაციო სამუშაოების მიმდინარეობას მუნიციპალიტეტის მერი დათო გოგუა და მერის პირველი მოადგილე გოჩა ჩიქოვანი ადგილზე გაეცნენ. აღნიშნულ მონაკვეთზე ასფალტირებული გზა არასდროს ყოფილა.
