საპატრულო პოლიციის ყოფილი უფროსი დავით ცინარიძე დააკავეს
28.04.2020 / 28 აპრილი 2020
შინაგან საქმეთა სამინისტროს საპატრულო პოლიციის დეპარტამენტის ყოფილი უფროსი დავით ცინარიძე დააკავეს.
შსს-ს ცნობით, ცინარიძე ოჯახის წევრის მიმართ მუქარის ბრალდებით არის დაკავებული.
საქმეზე გამოძიება სისხლის სამართლის კოდექსის 11 პრიმა-151-ე მუხლის მეორე ნაწილის „დ“ ქვეპუნქტით მიმდინარეობს, რაც ოჯახის წევრის მიმართ მუქარას გულისხმობს (ისჯება ჯარიმით ან საზოგადოებისათვის სასარგებლო შრომით ვადით ას სამოცდაათიდან ორას საათამდე ან გამასწორებელი სამუშაოთი ვადით ორ წლამდე ანდა თავისუფლების აღკვეთით ვადით სამ წლამდე, იარაღთან დაკავშირებული უფლებების შეზღუდვით ან უამისოდ).
