გიორგი შენგელია: მინდა დავამშვიდო თანამოქალაქეები, რომ პანიკის საფუძველი არ არსებობს
ზუგდიდის მერის გიორგი შენგელიას ინფორმაციით, ქალაქში სურსათის საკმარისი მარაგი არსებობს და მოსახელობას პანიკის საფუძველი არა აქვს. ამის შესახებ მან დღეს გამართულ ბრიფინგზე ისაუბრა. მისი თქმით, ის ზუგდიდში ქსელური და ცენტრალური მარკეტის წარმომადგენლებს შეხვდა და მათგან სურსათის მარაგთან დაკავშირებით ინფორმაცია მიიღო. მისი თქმით, არანაირი საფრთხე არ არსებობს, რომ მოსახლეობა სურსათის გარეშე დარჩეს.
„მინდა, რომ დავამშვიდო ჩემი თანამოქალაქეები, პანიკის საფუძველი არ არსებობს. მცირეოდენი ფასების ზრდა გამოწვეულია ეროვნული ვალუტის კურსის ცვლილებებით და ეს არ არის კავშირში კორონავირუსთან… ნებისმიერი პროდუქცია, რომელზე ადგილობრივ ბაზარზე არის მოთხოვნა, მისი შევსება მალევე ხდება. არანაირი საფრთხე არ არსებობს, რომ სურსათის გარეშე დარჩეს ჩვენი მოსახლეობა. მდგომარეობა არის სტაბილური და გართულებებს არ ველოდებით“, – აცხადებს ზუგდიდის მერი.
მსგავსი სიახლეები
ჯანდაცვის მინისტრი: საქართველოში ჩვეულებრივი სეზონური გრიპი ტრიალებს, პანიკის საფუძველს ვერ ვხედავთ – კლინიკები გადავსებული არ არის და ამ მხრივ არანაირი საშიშროება არ არსებობს
სალომე ზურაბიშვილი – დღეს საუბრობენ, რომ ქართული ენა არ ვიცი, მაგრამ არ ახსოვთ, რომ ლავროვს ქართულად ველაპარაკე
