“ევექსი”: შემთხვევას სწავლობს სამედიცინო საქმიანობის რეგულირების სააგენტო
ზუგდიდის რეფერალური საავადმყოფოს ადმინისტრაცია მომხდარ ფაქტთან დაკავშირებით განმარტებებს აკეთებს. ამის შესახებ ჟურნალისტებს საავადმყოფოს კლინიკურმა დილექტორმა სულხან ორჟონიამ განუცხადა:
,მოხდა ძალიან სამწუხარო შემთხვევა და ვიზიარებთ ოჯახის მწუხარებას. რაც შეეხება პაციენტის გარდაცვალების შემთხვევას, კლინიკა არ გაურბის პასუხისმგებლობას. კონკრეტულად ამ შემთხვევას სწავლობს როგორც სამედიცინო საქმიანობის რეგულირების სააგენტო, ასევე ჩვენი შიდა მოკვლევის სამსახური და თუ გამოვიდა სამედიცინო პერსონალის მხრიდან გადაცდომა მას მიეცემა ადეკვატური რეაგირება.
რაც შეეხება თავად ექიმს, ის ჩვენსავე კლინიკაში გაურკვეველ ვითარებაში მიყენებული დაზიანებებით გადიოდა მკურნალობის კურსს,თუ რამ გამოიწვია დაზიანებები, ეს უკვე საგამოძიებო უწყების პრეროგატივაა. ამ ეტაპზე ჩვენ სხვა კომენტარს ვერ გავაკეთებთ და კიდევ ერთხელ განვმარტავთ, რომ აღნიშნულ შემთხვევასთან დაკავშირებით მიმდინარეობს გამოძიება და ჩვენთვის უმნიშვნელოვანესია დადგინდეს ობიექტური რეალობა“.
