ზუგდიდში, უფასო სასადილოს ბენეფიციართა მენიუს გაზრდისა და მომსახურების გაუმჯობესების საკითხები განიხილეს
30.09.2019 / 30 სექტემბერი 2019
სამეგრელო-ზემო სვანეთის სახელმწიფო რწმუნებულის მოადგილეები ნინო ვიბლიანი და დავით ვერავა ზუგდიდის მერიის სოციალური და ჯანდაცვის სამსახურის უფროსს და წარმომადგენლებს შეხვდნენ.
შეხვედრაზე ერთობლივად განიხილეს ზუგდიდის უფასო სასადილოს ბენეფიციართა მენიუს გაზრდისა და მომსახურების გაუმჯობესების საკითხები.
სახელმწიფო რწმუნებულის ადმინისტრაციის წარმომადგენლები რეგიონის უფასო სასადილოებში არსებულ ვითარებას ყველა მუნიციპალიტეტში ეცნობიან და არსებულ საჭიროებებზე ინფორმაციის მისაღებად ბენეფიციარებს თვითმმართველობების წარმომადგენლებთან ერთად ხვდებიან.
