ლევან დავითაშვილი: ჩვენ ყოველწლიურად ვამკაცრებთ რეგულაციებს მათ შორის საკვებ დანამატებთან დაკავშირებით
სოფლის მეურნეობის მინისტრ ლევან დავითაშვილის განცხადებით, სურსათის ეროვნული სააგენტო, არასამთავრობო ორგანიზაციის მიერ გამოქვეყნებულ შედეგებს გადაამოწმებს. მისი თქმით, ხშირ შემთხვევაში ნიმუშების აღება არაპროფესიონალურად, არააკრედიტირებულ ლაბორატორიებში ხდება.
ასე უპასუხა მან საკვებ პროდუქტებთან დაკავშირებით დასმულ კითხვას.
,,ეს არის ძალიან კომპლექსური საკითხი. ჩვენ ყოველწლიურად ვამკაცრებთ რეგულაციებს მათ შორის საკვებ დანამატებთან დაკავშირებით. ჩვენი კანონმდებლობა ჰარმონიზირდება ევროკავშირთან და კონტროლის შესაძლებლობები ხშირ შემთზვევაში ძალიან ცუდია აჟიოტაჟის ატეხვა და გადაუმოწმებელი ინფორმაცია. ეს აზიანებს ქართველ მწარმოებელს. ამიტომ მოდით ვიყოთ პასუხისმგებკიანები. სურსათის ეროვნული სააგენტო, გადაამოწმებს არასამთავრობო ორგანიზაციის მიერ გამოქვეყნებულ შედეგებს, ხშირ შემთხვევაში ხდება ნიმუშების აღება არაპროფესიონალურად. არააკრედიტირებულ ლაბორატორიებში.ამასთან ძალიან მნიშვნელოვანია ინგრედიენტების შემოწმება. ძირითადი ნედლეული არის ქართული მაგრამ საუბარია საკვებ დანამატებზე და ინგრედიენტებზე, რომელიც ასევე მკაცრად უნდა გაკონტროლდეს.ჩვენი ახალი მკაცრი პოლიტიკის ფარგლებში, შევძლებთ რომ აქაც გავაუმჯობესოთ მდგომარეობა,”- განაცხადა დავითაშვილმა.
მსგავსი სიახლეები
ლევან დავითაშვილი: ანაკლიის პორტთან დაკავშირებით გეგმის მიხედვით მივდივართ
ლევან დავითაშვილი ანაკლიის პორტთან დაკავშირებით – დავიწყებთ მიმდინარე წელს, უახლოეს ხანებში
