სანდრა რულოვსის ზუგდიდური პრობლემები და ფიასკო არჩევნებამდე ერთი კვირით ადრე
2019 წლის 19 მაისს ზუგდიდის მუნიციპალიტეტის მოსახლეობა, ზუგდიდის მერს აირჩევს, მმართველი პარტიის კანდიდატი გიორგი (გეგა) შენგელიაა, ხოლო ნაციონალური მოძრაობის კანდიდატი კი ყოფილი პირველი ლედი, ჰოლანდიელი სანდრა ელისაბედ რულოვსი.
არჩევნების მოახლოებასთან ერთად სულ უფრო იწევა პოლიტიკური ტემპერატურა ზუგდიდში, განსაკუთრებით საარჩევნო კამპანიის წარმოება უჭირთ ნაც მოძრაობის წარმომადგენლებს, ამის მთავარი მიზეზი მოსახლეობის მხრიდან მათი მიუღებლობაა,
რაც გამოწვეულია სააკაშვილის პერიოდში სამეგრელოში არსებული სადამსჯელო რაზმების მიერ ჩადენილი დანაშაულებებით, რომელიც მრავლად ჩაიდინეს საკაშვილის ადგილობრივმა ბანდფორმირებებმა…
მოსახლეობის გაღიზიანებას ასევე იწვევს ნაციონალური მოძრაობის მიერ ჩამოყვანილი ადამიანები, რომლებსაც ზუგდიდი მხოლოდ რუკაზე აქვთ ნანახი და ამ ქალაქის ისტორიისა და მოსახლეობის შესახებ არაფერი იციან. სწორედ სხვა რაიონებიდან ჩამოყვანილი ადამიანები გამოირჩევიან განსაკუთრებული აგრესიით ადგილობრივი მოსახლეობის მიმართ, რომლებიც აპროტესტებენ ნაციონალური მოძრაობის კანდიდატის სანდრა ელისაბედის რულოვსის გამოჩენას მათ სოფლებსა თუ უბნებში..
სანდრა რულოვსს ზუგდიდში ხშირად ახსენებენ საავტორო წიგნს, სადაც ზვიად გამსახურდიას ერთ-ერთი შეიარაღებული დაჯგუფების მეთაური და ბანდიტი უწოდა. სამეგრელოში დღესაც განსაკუთრებულია ზვიად გამსახურდიას მიმართ მოსახლეობის დამოკიდებულება, შესაბამისად სანდრა რულოვსს საზოგადოება უარყოფიდად სწორედ ამის გამოც ხვდება.
რულოვსის მთავარ პრობლემად ასევე ყოფილი მხედრიონელები იქცნენ, რომლებიც მის საარჩევნო შტაბში მრავლად არიან. სამეგრელოს მოსახლეობას კარგად ახსოვს მხედრიონელების ,, ვაჟკაცობა.” მოსახლეობას განსაკუთრებული აგრესია, სწორედ ამ ადამიანების მისამართით აქვთ, გიორგი ბარამიძეს რამოდენიმეჯერ უკვე შეახსენეს მისი მხედრიონელობის დროინდელი ახლო წარსული და მონაწილეობა სოფელ დარჩელის დარბევასა და გადაწვაში.
რულოვსი საარჩევნო კამპანიის დასაწყისში ცდილობდა დევნილი მოსახლეობის პრობლემებით სპეკულაციას, თუმცა ესეც უშედეგოთ დამთავრდა. დევნილებმა მას შეახსენეს ნაციონალური მოძრაობის პერიოდი, როცა ზუგდიდში არც ერთი საცხოვრებელი ბინა არ აშენებულა დევნილებისთვის. აღსანიშნავია, რომ ქართული ოცნების მმართველობის პერიოდში ზუგდიდში 867 დევნილ ოჯახს საცხოვრებელი ბინა, ხოლო 456 დევნილ ოჯახს ,სახლი სოფლად გადეცა. აღნიშნული ფაქტორის გამო, აფხაზეთიდან დევნილ მოსახლეობასთან შეხვედრებს ყოფილი ექს ლედი მაქსიმალურად თავს არიდებს.
ზემოთჩამოთვლილი პრობლემების ფონს თან ერთვის ნაც მოძრაობის შიდა დაპირისპირებაც, რომელიც შესაძლოა სასიკვდილო დარტყმაც აღმოჩდეს თავად რულოვსისთვის. ნაც მოძრაობის ადგილობრივი ორგანიზაციის თავმჯდომარე ანაა წითლიძე მისი გუნდით უპირისპირდება ალექსანდრე ქობალიას კლანს. შექმნილი დაძაბულობისა და დაპირისპირების დასაბალანსებლად მიხეილ სააკაშვილმა სამეგრელოში კახეთიდან მთავარი ნაციონალი გიორგი ბოტკოველი გაამწესა, რომელიც ადგილზე წარმართავს სანდრას საარჩევნო კამპანიას.
ბოტკოველმა საკუთარ თავზე მას შემდეგ აიღო ზუგდიდის წინასაარჩევნო კამპანიის წარმართვა, რაც ნაც მოძრაობის აღმასრულებელი მდივანი კობა ნაყოფია გაიქცა. კობა ნაყოფიას გაქცევის მიზეზი კი პარტიის კორდინატორები მოატყუება და მათ კუთვნილი თანხების მითვისება გახდა.
![ზუგდიდის საკრებულოში სანდრა რულოვსის მისვლას ხმაური და დაპირისპირება მოჰყვა [ვიდეო]](https://api.stv.ge/uploads/null)
