“მითხრეს, რომ პარტიაში ჯერ არაა ფული მოტანილიო” -ენმ დარჩელში ოფისის ქირა სახლის მეპატრონეს არ გადაუხადა
ზუგდიდის მუნიციპალიტეტის სოფელ დარჩელში ნაციონალური მოძრაობის ოფისი დაიხურა, სახლის მეპატრონემ თანხის გადაუხდელობის გამო პარტიას ფართის დაცლა მოსთხოვა.
როგორც სახლის მეპატრონე მარინა ქორთოშვილი აცხადებს, მას სახლის ქირის სანაცვლოდ ნაციონალური მოძრაობის ერთ-ერთი ლიდერი კობა ნაყოფია თვეში 250 ლარის გადახდას დაპირდა , თუმცა როცა ქირის გადახდის დრო მოვიდა მხოლოდ ასი ლარი მისცეს და უთხრეს რომ ზუგდიდის ოფისში ფული ჯერ არ არის მოტანილი. პარტიას იჯარის თანხა 20 აპრილს ჰქონდა გადასახდელი.
“შევთანხმდით რომ თვეში 250 ლარს გადამიხდიდნენ, ანუ 500 ლარი ქონდათ მოსაცემი. მოვიდნენ და მითხრეს რომ მხოლოდ 100 ლარი ქონდათ. არ გამოვართვი, უკან მივუბრუნე, მერე სანდრას ბანერი იყო სახლის წინ, ის ჩამოხსნეს და წავიდნენ. მითხრეს, რომ პარტიაში ჯერ არაა ფული მოტანილიო. არავისთვის არ მიუციათ, მხოლოდ ლიდერებს მისცეს ფული,ხალხი ისე ამუშავეს.”-აცხადებს მარინა ქორთოშვილი.
ცნობისთვის, ენს ზუგდიდის ორგანიზაცია 30-ამდე წევრმა დატოვა. როგორც 66-ე უბნის კოორდინატორი გოგა ზუხბაია აცხადებს, 66 და 64 უბნის კოორდინატორებს, კობა ნაყოფია ხელფასებს დაპირდა, თუმცა ამდრომდე არ გადაუხდია. მისივე თქმით, როცა კოორდინატორები ოფისში თანხის ასაღებად მივიდნენ, ნაყოფია მათ სიტყვიერად დაუპირისპირდა და ხელფასები არ მისცა. დაპირისპირება ენმ-ს ოფისში 25 აპრილს მოხდა და ამის ამსახველი ვიდეოკადრები გავრცელდა.
“იყო დაპირება რომ სააღდგომოდ ხელფასებს მოგვცემდნენ. გვამუშავეს და როცა ფული მოვითხოვეთ, გვითხრეს რა გააკეთეთ რომ ფულს ითხოვთო? ავდექით წამოვედით. მანამდე ოფისში მივედით და კობა ნაყოფიამ ოცნების მოსყიდული პროვოკატორები გვიწოდა. არადა, 2006 წლიდან ნაციონალურ მოძრაობაში ვარ, რაც მე ომი გადამიტანია, როგორ შეიძლება ასე მოექცე ადამიანს?!,”-აცხადებს ზუხბაია.
მსგავსი სიახლეები
სალომე ზურაბიშვილი – დღეს საუბრობენ, რომ ქართული ენა არ ვიცი, მაგრამ არ ახსოვთ, რომ ლავროვს ქართულად ველაპარაკე
პაატა ქარდავას შვილი ქრისტინე ქარდავა: მამა, რომელიც იყო გმირი, უდანაშაულოდ მომიკლეს, არ აკმარეს ის, რომ ოჯახს არ დაგვიტოვეს გვამი, კიდევ დააბრალეს, რომ ის იყო მოღალატე
