ზუგდიდში ზვიად გამსახურდიას 80 წლის იუბილეს აღნიშნავენ [ფოტო]
![ზუგდიდში ზვიად გამსახურდიას 80 წლის იუბილეს აღნიშნავენ [ფოტო]](https://api.stv.ge/uploads/2019/03/55869429_1988921668069698_7494000014851571712_n.jpg)
ზუგდიდში საქართველოს პირველი პრეზიდენტის, ზვიად გამსახურდიას დაბადებიდან 80 წლის იუბილეს აღნიშნვა გრძელდება. საზეიმო ღონისძიებებს, რომელიც მუნიციპალიტეტში დაიგეგმა, საქართველოს შინაგან საქმეთა მინისტრი გიორგი გახარია ესწრება.
რამდენიმე წუთის წინ, საქართველოს პირველი პრეზიდენტის ზვიად გამსახურდიას ძეგლი ზუგდიდის მთავარ ხეივანთან გვირგვინით შეამკეს.
ამ წუთებში კი ზვიად გამსახურდიას ცხოვრებისა და მოღვაწეობის ამსახველ ფოტო გამოფენას ესწრებიან შსს მინისტრი გიორგი გახარია და ადგილობრივი ხელისუფლების წარმომადგენლები.
ცნობისათვის, საქართველოს პირველი პრეზიდენტი დღეს 80 წლის გახდებოდა. ზვიად გამსახურდია 1939 წლის 31 მარტს, თბილისში დაიბადა. ის იყო ეროვნულ-განმათავისუფლებელი მოძრაობის ერთ-ერთი ლიდერი და სწორედ მის სახელს უკავშირდება საქართველოს დამოუკიდებლობის აღდგენა.
